22 Julie 2024
Die speaker van die parlement, Thoko Didiza sê om aan die afgedankte Openbare Beskermer, Busisiwe Mkhwebane, ‘n afskeidsbonus van R10-miljoen te betaal, sal die grondliggende en fundametele grondwetlike waarde van aanspreeklikheid bedreig.
Mkhwebane eis die geld en voer aan dat sy daarop geregtig is ten spyte daarvan dat sy weens wangedrag en onbevoegdheid verlede jaar uit die amp verwyder is.
Didiza voer in hofstukke – waarin sy die aansoek teenstaan – aan dat ‘n ontslag volgens artikel 194 nie daarvoor voorsiening maak dat die ampstermyn voltooi word wanneer die persoon voortydeig ontslaan word nie.
Sy voer ook aan dat Mkhwebane nie volwaardig die amp kon beklee nie en dat sy daaroom ook nie op die uitbetaling geregtig is nie.
