14 Desember 2021
Die adjunk-president David Mabuza sal na verwagting vandag die nasionale koronavirusbevelsraad se vergadering oor moontlike strenger inperkings lei.
Dit volg nadat president Cyril Ramaphosa positief getoets het vir Covid-19, en tans in self-afsondering in sy huis in Kaapstad is.
LEES OOK: PRES. RAMAPHOSA TOETS POSITIEF VIR COVID-19
Die bevelsraad sal vandag en môre vergader. Die president het vroeër die maand gesê dat die huidige Covid-19-regulasies moontlik kan verander afhangend van hoeveel nuwe gevalle aangemeld word.
Die kleinsake- en die toerisme sektor het ‘n beroep op die regering gedoen om nie strenger inperkings in te stel te midde van die vierde vlaag nie.
Verskeie rolspelers sal eers gekonsulteer word voor daar ‘n moontlike aankondiging gemaak sal word oor die bevelsraad se besluit
