29 Augustus 2024
ActionSA het na bewering die koalisie in die Tshwane-metro verlaat, en sal nou by die ANC, EFF en ACDP aansluit.
DIT kom nadat die ANC môre ‘n mosie van wantroue teen die burgemeester, Cilliers Brink sou bring. Dit is luidens ‘n hofbevel van die DA van die skedule verwyder.
Brink het op sy X-profiel gesê dat hy vanmiddag by die media uitgevind het dat ActionSA se koukusleier in die Tshwane-metro aan joernaliste gesê het dat sy party die veelparty-koalisievennootskap in die metro gaan verlaat.
Volgens Brink het hy nog nie so ‘n kennisgewing ontvang nie. News24 berig dat ActionSA nog nie formeel by enige ANC-koalisie betrokke geraak nie, maar die partye is glo in gesprek.
