15 Augustus 2022
Die party, ActionSA sê in ‘n verklaring dat hulle kennis neem van ‘n prominente DA-lid, Patricia Kopane se bedanking.
Kopane het vanoggend aangekondig dat sy as parlementslid en lid van die DA bedank. Sy was voorheen die provinsiale leier van die Vrystaat. Sy het in 2003 by die party aangesluit en meen die DA is nie meer dieselfde as toe sy aangesluit het nie.
“Ek groet die party met ‘n seer hart, maar met ‘n skoon gewete.” Sy meen sy voel nie asof sy meer hoort in die DA nie.
ActionSA se leier, Herman Mashaba sê in sy verklaring dat die party nou Kopane sal nader weens die manier waarop sy die Vrystaat gelei het. Hy meen sy sal ‘n waardevolle toevoeging tot ActionSA wees.
“Sedert Kopane se bedanking vanoggend het ek haar reeds gekontak en sal binnekort met haar vergader om uit te vind of sy bereid sal wees om by ActionSA sal aansluit.”
