23 Junie 2021
Die geskorste sekretaris-generaal van die ANC, Ace Magashule sê hy is steeds bereid om met die regerende party oor sy skorsing te onderhandel.
Dié uitspraak kom op die vooraand van die hofaansoek waarin Magashule vra dat sy skorsing opsy geskuif moet word.
LEES OOK: ACE MAGASHULE NADER HOF OOR SKORSING
Dié saak word deur ‘n volbank regters in die Suid-Gautengse hooggeregshof aangehoor en is vir Donderdag en Vrydag op die hofrol geplaas.
Magashule is geskors nadat hy geweier het om opsy te staan nadat hy van korrupsie in sy tuisprovinsie, die Vrystaat, beskuldig word.
Hy beweer dat die skorsing nie geldig is nie en het op sy beurt probeer om die leier van dié party, Cyril Ramaphosa, te skors. Hy het vanuit sy huis in Parys in die Vrystaat gesê dat hy steeds volhou dat hy by magte was om die president te “skors.”
LEES OOK: ACE MAGASHULE MOET OM VERSKONING VRA
Die oud-premier van die Vrystaat sê hy sal in die hof bewys dat die optrede teen hom ‘n politieke heksejag is.
