29 Maart 2022
Die bankgroep, Absa het bevestig dat hy Arrie Rautenbach as sy nuwe uitvoerende hoof aangestel het.
Dit kom nadat Daniel Mminele ongeveer 11 maande terug afstand van sy pos gedoen het. Luidens ‘n verklaring deur Absa is Rautenbach sedert 1997 by die bank en was voor sy aanstelling as uitvoerende hoof, die uitvoerende hoof vir Kleinhandel- en Besigheidsbankdienste.
Absa se waarnemende uitvoerende hoof, Jason Quinn sal nou weer sy aanvanklike pos as finansiële direkteur oorneem.
