19 November 2021
Die krieketspeler, AB de Villiers (37) het vanoggend op sy Twitter-rekening bevestig dat hy uit alle vorme van dié sport gaan uittree.
“Sedert my en my broers se agterplaas-krieketwedstyde het ek dié sport met groot vreugde en entoesiasme gespeel, maar nou op 37 jaar oud brand daardie vlam nie meer so helder nie,” het De Villiers gesê.
Die paaltjiewagter, kolwer, veelsydige veldwerker en by geleentheid – bouler – het in 2018 uit internasionale krieket getree nadat hy meer as 9500 lopies in die eendag-formaat van die wedstryd en meer as 8700 toetslopies aangeteken het.
Hy het meer as ‘n 1200 lopies tydens internasionale T20-wedstryde aangeteken.
De Villiers was die laaste paar jaar wêreldwyd in die kort-formaat van die spel te sien waar hy veral vir die Royal Challengers Bangalore in die Indiese Premierliga uitgeblink het vir wie hy meer as 5100 lopies aangeteken het.
Stem vir die Aitsa’s
