27 Mei 2021
Die grondwethof sal vandag ‘n aansoek van oud-president Jacob Zuma aanhoor, oor sy regskoste.
Zuma sal poog om die hof vir toestemming te vra om te appelleer teen ’n hofbevel wat hom dwing om ’n beraamde R10-miljoen in regskoste terug te betaal ná sy onsuksesvolle poging om die openbare beskermer se verslag na staatskaping te hersien en tersyde te laat stel.
In sy aansoek voer Zuma aan dat hy nié aanspreeklik gehou kan word nie omdat dit onder meer sy grondwetlike plig was die verslag te bevraagteken.
Zuma het egter geen betooghoofde by die hof ingedien nie.
In April vanjaar het die appèlhof in Bloemfontein egter Zuma se appèl teen dié vroeëre beslissing van die hooggeregshof in Pretoria met koste van die hand gewys.
