14 Februarie 2022
Die liggaam van ‘n 87-jarige bejaarde van Jan Kempdorp in die Noord-Kaap se liggaam is Saterdagaand in sy huis op ‘n kleinhoewe buite die dorp gevind.
Die polisiewoordvoerder, luitenant Sergio Kock sê Ernst Human, wat alleen gewoon het se liggaam is in sy studeerkamer gevind. Sy hande en voete was vasgebind.
Die VF Plus-LP en provinsiale leier in die Noord-Kaap, dr. Wynand Boshoff sê Human was deel van ‘n plaasbeveiligingsgroep wat per radio met mekaar verbind is. Ander groeplede het ondersoek ingestel nadat hy nie op sy radioroep gereageer het nie.
“Die voorval beklemtoon opnuut die kwesbaarheid van mense op plase en in landelike gebiede, selfs binne veiligheidsgroepe,” sê Boshoff.
Boshoff het sy medelye met Human se naasbestaandes betuig.
