20 April 2023
Die Verenigde Nasies (VN) se kinderorganisasie, UNICEF sê nagenoeg 67-miljoen kinders wêreldwyd het slegs gedeeltelik of glad nié hulle roetine-inentings ontvang nie weens ontwrigtings wat tussen 2019 en 2021 deur die Covid-19-pandemie veroorsaak is.
UNICEF sê om die agterstand in te haal gaan ‘n reuse uitdaging wees. 48-miljoen van die 67-miljoen kinders wie se inentings ontwrig is het heeltemal hulle roetine-inentings misgeloop.
Volgens die organisasie is hulle uiters bekommerd dat die ontwrigtings tot ondermeer polio- en maselsuitbrekings kan lei.
Die roetine-inentings van kinders het in 112 lande afgeneem, en staan wêreldwyd nou op 81%. Dit is die laagste inentingskoers sedert 2008. Dit is in veral Suid-Asië en Afrika waar die inentings afgeneem het.
