Die burgemeester in die Tshwane-metro, dr Nasiphi Moya het vanoggend 555 stukke tuinboutoerusting onthul, wat volgens haar dienslewering sal vergemaklik in ‘n poging om die agterstand in te haal.
Dit sluit onder meer 75 blaarblasers, 235 bossiekappers, 90 kettingsae en 25 tuintrekker in en het ‘n waarde van meer as R11-miljoen.
Moya sê dit was moontlik om die nodige toerusting aan te koop weens fondse wat geherprioritiseer is.
Sy sê binne die volgende drie maande sal ‘n skedule gevolg word om die agterstand, veral ten opsigte van grassny op sypaadjies, in parke en begrafplase, in te haal. Dit is ook belangrik dat die gras gesny word voordat die somer-seisoen aanbreek.
“Ons soek ‘n mooi stad, met mooi landskappe en leefbare ruimtes.” Volgens Moya het die werkers vir lank gekla dat hulle sukkel om hulle werk te doen omdat hulle nie die regte toerusting het nie.
Sy sê as deel van die metro se skedule het elke departement binne die metro ‘n tydlyn wat gevolg moet word.
4 Responses
Werklik.
Die tuinboutoerusting se operateurs moet netnie onder die bome gaan lê en slaap nie.
😅
Oor drie maande is alles stukkend en lê iewers in n stoor. . . . . . .
Ek die belasting betaler kan die huisige regering nie bekostig nie.
Hoe langk gaan hulle wag vir die kragpunte op die sypaaitjies. Hulle moet die gemors optel nie wegblaas nie.