6 September 2021
Die destydse eerste minister van Suid-Afrika, dr. Hendrik Frensch Verwoerd is vandag (6 September 1966), 55 jaar gelede presies om 14:14 deur Dimitri Tsafendas in sy parlementêre bank in die Volkraadsaal in Kaapstad doodgesteek.
Volgens destydse berigte is hy vier keer in sy bors en ook in sy nek gesteek. Vier lede van die parlement, wat ook opgeleide dokters was het onmiddellik mediese hulp aangebied. Verwoerd is na die Grootte Schuur-hospitaal gehaas, maar is met sy aankoms dood verklaar.
Tsafendas is destyds nié ter dood veroordeel nie weens sy geestesgesondheid, maar hy is wel onbepaald deur regter Andries Beyers tronk toe gestuur.
Dit was egter nie die eerste aanslag op Verwoerd se lewe nie. Hy is op 9 April 1960 deur ‘n ryk sakeman, David Pratt deur sy oor en wang geskiet, maar het dié aanval oorleef.
Verwoerd se staatsbegrafnis is op 10 September in Pretoria gehou en is deur by 500 000 mense bygewoon.
Stem vir die Aitsa’s
