18 Augustus 2022
Foto: Potchefstroom Herald
Vyf kinders tussen die ouderdomme van sewe en 11 jaar oud is dood – en vier ander beseer – nadat ‘n vragmotor deur die Laerskool Vyfhoek, in Noordwes, se heining gebars het.
Volgens die ER24 woordvoerder, Russel Meiring, is die skool sowat tien kilometer buite Potchefstroom – langs die N12 snelweg – geleë.
By hulle aankoms op die toneel het lede van verskeie nooddienste drie kinders onder die voertuig gevind met die ander ses wat rondom die voertuig gelê het.
Vier kinders is opslag gedood terwyl die vyfde oorledene later aan sy wonde beswyk het.
Twee van die beseerdes se toestand is as ernstig aangegee.
Die vragmotorbestuurder is nie beseeer nie en die oorsaak vaan die ongeluk is nog nie bekend nie.
