11 Maart 2022
Minstens 48 skole is reeds in die Oekraïnse stad, Kharkif verwoes sedert dit deur Russiese troepe binnegeval is.
Die burgemeester, Ihor Terekhov het in ‘n TV-onderhoud gesê dat daar nagenoeg 1,4-miljoen mense in die stad gewoon het, voor Rusland se binneval.
Intussen sê plaaslike owerhede dat geen personeel of pasiënte beseer is na ‘n lugaanval vroeër vanoggend op ‘n psigiatriese hospitaal buite die dorpie, Izyum nie. Dié dorp is nie ver van Kharkif nie.
Die Oekraïnse Staatsnooddienste sê al 30 personeellede en 330 pasiënte was in ‘n bomskuiling ten tyde van die aanval.
