9 Januarie 2024
Vuurwapens wat deur 3D-drukkers vervaardig is, is deur die polisie in Skotland ontdek en aangemeld.
SkyNews berig dat die gedrukte vuurwapens in twee gevalle verlede jaar gebruik is. Die nuusdiens berig dat die wapens deur die polisie onderskep is sodat dit forensies ontleed kon word. Polisiekenners waarsku dat dit eenvoudig en goedkoop is om die wapens te vervaardig, maar hou steeds dieselfde risiko vir mense in.
Die Verenigde Koninkryk het in 2022 amptelik die 3D-gedrukte vuurwapens ingesluit by die 1968 Wet op Vuurwapengebruik. Dit beteken dit is onwettig om so ‘n vuurwapen te besit, aan te koop of te vervaardig.
3D-drukkers het in die vroeë 2010’s sy opwagting gemaak en is sedertdien gebruik om ‘n wye verskeidenheid van produkte te vervaardig insluitend huishoudelike ware, prostese en skarniere.
