8 Augustus 2023
Die Tshwane-metro het gister 38 van sy werknemers afgedank.
Die werkers was almal betrokke by die onwettige staking deur die Suid-Afrikaanse Munisipale Werkersunie (Samwu). Die vakbond staak reeds sedert verlede maand omdat hulle ‘n salarisverhoging vir hulle lede eis.
LEES OOK: TSHWANE-WERKNEMERS, WAT STAKING AS VERSKONING GEBRUIK, ONTVANG WAARSKUWINGSBRIEWE
Die burgemeester in die Tshwane-metro, Cilliers Brink sê hulle het besluit om die werkers af te dank, na hulle voortgegaan het met die onwettige staking, ten spyte van ‘n hofinterdik wat hulle verhoed om ander werkers te intimideer of te verhoed om werk toe te gaan.
Die staking het tot talle ontwrigtings in dienslewering gelei.
Samwu sê intussen hy bestudeer nog die afdankingsbriewe. Nagenoeg 89 werknemers wat aan die staking deelneem het reeds waarskuwingsbriewe ontvang.
