4 Februarie 2022
Die minister van gesondheid, dr. Joe Phaahla sê 30-miljoen dosisse van die Covid-19-entstof is reeds in Suid-Afrika toegedien.
Meer as 18-miljoen mense het reeds minstens een inenting ontvang, wat 46% van die totale inentings verteenwoordig. Die minister het vanoggend ‘n mediakonferensie gehou oor die stand van die Covid-19-pandemie in die land.
Volgens hom is 67,2% van mense bo 60 reeds ingeënt. Nagenoeg 1-miljoen kinders tussen 12- en 17 jaar oud is ingeënt. Wat die opvolgdosisse betref, het meer as 643 000 mense reeds vir hul aanvullende dosis aangemeld.
Intussen het dr. Michelle Groome van die Nasionale Instituut vir Oordraagbare Siektes (NIOS) gesê dat 99% van die Covid-19-monsters die Omikron-variant is. Delta en C12 kom ook steeds voor.
