1 November 2021
Die 26,2 miljoen geregistreerde kiesers kon sedert 07:00 vanoggend kans kry om hulle kruisies te trek in die land se plaaslike regeringsverkiesing.
Meer as 23,000 stemlokale sal tot 21:00 vanaand oop wees vir stemdag. Mense wat vanaand teen 21:00 steeds in rye by stemlokale staan, sal ook toegelaat word om te stem.
Die Onafhanklike Verkiesingskommissie (OVK) sê intussen hy is slaggereed om ‘n vry en regverdige verkiesing te hou.
Die OVK voorsitter Glen Mashinini sê die twee dae van spesiale stemme het die kommissie in staat gestel om sy operasies vir vandag te verfyn.
Meer as ‘n halfmiljoen kiesers het die afgelope naweek spesiale stemme by stemlokale uitgebring.
Dit is 83% kiesers wat daarvoor aansoek gedoen het.
President Cyril Ramaphosa het intussen ‘n beroep op elke geregistreerde kieser gedoen het om in die plaaslike verkiesings vir hul munisipale verteenwoordigers te gaan stem. Hy sê elke enkele stem tel, en kiesers sal deur hul grondwetlike verantwoordelikheid uit te oefen help om ‘n beter Suid Afrika te bou.
Die president het in dieselfde asem ‘n beroep op mense gedoen om ingeënt te word teen Covid-19, by een van die verskeie inentingspersele wat naby stemlokale vandag landwyd bedryf sal word.
Stem vir die Aitsa’s
