8 Desember 2021
Die departement van gesondheid in Gauteng het vroeër vandag 220 nuwe ambulanse onthul, kort voordat die feesseisoen amptelik afskop.
Volgens die departement van gesondheid is 20 van dié ambulanse vir intensiewe sorg, terwyl die ander 200 vir Intermediêre lewensondersteuning is. Die departement sê hy het ook bykomende personeel aangestel in ‘n poging om die dienste in die nooddienste-bedryf te verbeter.
Volgens die departement kom die nuwe voertuie en personeel op ‘n goeie tyd gegewe die begin van die feesseisoen asook die feit dat Gauteng die episentrum van die vierde vlaag van die koronavirus is.
