18 Januarie 2024
2023 se matriekklas kon ‘n verbetering van 2,8% behaal in die gemiddelde slaagsyfer in verlede jaar se eindeksamen. 82,9% van die groep het hulle eksamen geslaag.
Die minister van basiese onderwys, Angie Motshekga het vroeër vanaand dié inligting bekend gemaak tydens ‘n seremonie in Johannesburg.
Die Vrystaat is weer vir die soveelste keer die provinsie wat die beste gevaar het, met ‘n slaagsyfer van 89,03%.
Motshekga het gesê dat die tweede plek – KwaZulu-Natal ‘n verrassing was, met 86,4%. Gauteng is in die derde plek met ‘n slaagsyfer van 85,4%.
- Noordwes – 81,6%
- Wes-Kaap – 81,5%
- Oos-Kaap – 81,4%
- Limpopo – 79,5% (ook die provinsie wat die beste verbetering getoon het)
- Mpumalanga – 77,0%
- Noord-Kaap – 75,8%
Motshekga het die 2023 klas gelukgewens en meen hulle moes onder baie moeilike omstandighede hulle skoolloopbane voltooi.
Sy het ondermeer Covid-19 uitgelig as een van die grootste uitdagings.
