29 September 2023
Die minister van polisie, Bheki Cele, sê daar is die afgelope tien jaar byna 200 000 mense in die land vermoor.
Die jaarlikse moordsyfer het van net meer as 16 000 in die 2012/2013-boekjaar tot 25 000 in 2021/2022 gestyg.
Cele het dié syfers uitgelig in antwoord op ‘n parlementêre vraag deur die leier van die VF Plus, dr. Pieter Groenewald.
Behalwe vir ‘n effense afname in 2020 – gedurende die Covid-19 inperkings – het die jaarlikse moordsyfer elke jaar reëlmatig toegeneem. Dit het in die 2021/2022-boekjaar egter drasties gestyg.
Cele kon nie besonderhede oor die ouderdomme van die slagoffers verskaf nie aangesien dié inligting nie opgeteken word vir statistiese doeleindes nie.
