18 Julie 2022
Twintig skoolkinders is ongedeerd nadat die bus waarin hulle gery het, naby Mahikeng in Noordwes ontplof het.
Die kinders, was die afgelope naweek op pad terug na hulle skool, die Letsatsing Sekondêre Skool in Mmabatho vanaf ‘n winterkamp om ekstra klasse by te woon toe die bus ontplof het.
Die departement van onderwys in Noordwes se woordvoerder, Elias Malindi sê die busbestuurder het in verskeie woonbuurte in Mmabatho gestop om van die leerlinge af te laai toe die bus ontplof.
Hy sê die kinders kon daarin slaag om te ontsnap. Die LUR vir onderwys in Noordwes, Mmaphefo Matsemela sê die kinders sal berading ontvang. Die oorsaak van die ontploffing word ondersoek.
