17 November 2022
Die eerste Covid-19-geval is waarskynlik vandag drie jaar gelede in Wuhan, China aangemeld.
Volgens wetenskaplikes was die eerste geval gediagnoseer by ‘n 55-jarige man wat ‘n kosmark in Wuhan besoek het. In daardie stadium het die virus nog nie bekend gestaan as Covid-19 nie.
Sedertdien is daar – volgens die Wêreldgesondheidsorganisasie – meer as 640-miljoen gevalle wêreldwyd aangemeld, asook meer as 6,6-miljoen sterftes.
