29 November 2023
‘n 18-jarige leerling, Phetigo Monareng is met ‘n skerp voorwerp by Hoërskool Maope in Bela-Bela (Warmbad) in Limpopo doodgesteek.
Twee groepe seuns het na bewering ‘n meningsverskil gehad wat in ‘n bakleiery ontaard het.
Die slagoffer wat ernstige beserings opgedoen het, is dadelik na die hospitaal vervoer, maar is met sy aankoms by die hospitaal, dood verklaar.
Die polisie het die verdagtes dieselfde dag in hegtenis geneem. Die polisie het glo drie messe, ‘n hamer en ‘n byl in beslag geneem.
Die motief vir die voorval is onbekend, terwyl die polisie vermoed dat dit ‘n voorval van afknouery is, maar die ondersoek duur voort.
Die verdagtes sal na verwagting môre in die Bela Bela-landdroshof, op aanklag van moord verskyn.
