6 Julie 2023
Minstens 17 mense is in die Angelo-informele nedersetting buite Boksburg dood ndat hulle ‘n giftige gas ingeasem het.
‘n Woordvoerder van die nooddienste, William Ntladi, sê hulle het ná 20:00 gisteraand ‘n noodoproep ontvang oor wat aanvanklik gedink is as ‘n gasontploffing. Nooddienste het aanvanklik aangedui dat 24 mense dood is.
Ntladi sê met hul aankoms op die toneel is daar vasgestel dat daar in werklikheid ‘n gaslekkasie uit ‘n gassilinder op een van die werwe binne die informele nedersetting was.
Hy sê paramedici kon daarin slaag om 16 mense by te bring, en hulle is na ‘n nabygeleë hospitaal geneem. Vier van dié mense is in ‘n kritieke toestand. Een van die oorledenes is ‘n kind van 1 jaar oud.
Daar word tans vermoed dat ‘n giftige nitraat-gas – wat deur onwettige mynwerkers gebruik word om goud te produseer – vir die vergiftiging verantwoordelik is.
Foto: Ntwaagae Seleka
