17 Januarie 2023
‘n 32-jarige marathonatleet van Australië het ‘n nuwe Guiness-wêreldrekord opgestel nadat sy 150 marathons in 150 dae afgelê het.
Erchana Murray-Bartlett het van Australië se mees noordelike punt na Melbourne, in die suide van die land gehardloop.
Luidens berigte het sy gister die finale wenstreep oorgesteek nadat sy 6330 kilometer afgelê het.
Die vorige wêreldrekord van 106 agtereenvolgende marathons is verlede jaar deur Brittanje se Kate Jayden opgestel.
