1 Junie 2023
Vyftien lede van een familie van Namibië is oorlede nadat hulle pap geëet het wat na bewering gekontamineer is.
Voorlopige inligting dui daarop dat ‘n familie in Kavango-Oos pap geëet het wat gemaak is van graanreste wat oorgebly het ná die brou van ‘n alkoholiese drankie.
Plaaslike owerhede het dié voorval bestempel as een van die land se ergste gevalle van vermoedelike voedselvergiftiging. Die polisiewoordvoerder, Kauna Shikwambi sê die polisie wag nou op die uitslae van nadoodse ondersoeke.
Nog 21 lede van die familie is in die hospitaal opgeneem nadat hulle van dié pap geëet het.
