6 September 2024
Terwyl onderwysvakbonde in die Wes-Kaap wil staak oor die aflegging van nagenoeg 2 400 onderwysers, lyk dit asof daar in al nege provinsies onderwysposte besnoei gaan word – met KwaZulu-Natal wat die ergste hierdeur geraak word.
Tot soveel as 11 000 poste is in dié provinsie in gedrang.
Nasionale en provinsiale onderwyshoofde het die afgelope week krisisvergaderings gehou om die pad vorentoe te bespreek te midde van verminderde begrotings en hoër onderwyslone wat van 1 Julie af betaalbaar was.
In die Oos-Kaap beplan die departement om die begroting vir goedere en dienste met sowat 22,5% te verminder. In Gauteng sal skoolvervoer verminder word, terwylvroeë kinderontwikkeling nie verder uitgebrei sal word nie.
Die minister van onderwys, Siviwe Gwarube sal vandag met die provinsiale LUR’e vergader om die probleem te bespreek.
