Limpopo-boer doodgeskiet

Deur on

9 Oktober 2022

‘n 35-jarige boer is Vrydagaand tydens ‘n plaasaanval op sy plaas in Roedtan, Limpopo doodgeskiet.

Netwerk24 berig dat die aanvallers vir Nico Janse van Rensburg se lewensmaat, Veronica Grobler en ‘n minderjarige seun, wat saam met hulle gewoon het, in ‘n ander vertrek vasgebind het tydens die aanval.

Hulle het eers gisteroggend hulp gekry toe die plaaswerkers daar aan gekom om die koeie te melk. 

Volgens beskikbare inligting het die aanvallers geld gesoek. Toe Janse van Rensburg dit nie vir hulle gegee het nie, is hy aangerand en geskiet.

Die aanvallers het gevlug met vuurwapens en selfone wat hulle in die huis gevind het.

Intussen het die VF Plus die plaasaanval veroordeel. Die leier van die VF Plus in Limpopo, Marcelle Maritz sê met hierdie toevoegings tot die plaasmoord-statistiek is daar geen twyfel nie dat die aanslag op boere ná die hofuitspraak oor die struggle-lied “Kill the boer”, in felheid toegeneem het.

“Die erns van die situasie verg dat die regering nou gedwing moet word om plaasaanvalle en plaasmoorde tot prioriteitmisdaad te verklaar.”

Foto: Marelle Maritz


Lees verder

Current track

Title

Artist