Lewer kommentaar teen nuutste voorstelle oor art.25-wysigings, vra TLU SA

Deur on

23 Julie 2021

Die landbou-organisasie, TLU SA sê die publiek het tot 13 Augustus vanjaar die geleentheid om kommentaar te lewer op die nuwe wysigings rakende art. 25 van die Grondwet te make met onteiening sonder vergoeding.

TLU SA doen daarom ‘n ernstige beroep op Suid-Afrikaners wat besorg is oor die toekoms van grond in die land om hierdie geleentheid aan te gryp.

Die president van TLU SA, Henry Geldenhuys sê dit is uiters belangrik dat alle Suid-Afrikaners en nie net boere nie besef hoe belangrik dit is dat hierdie wysigings nie deurgevoer word nie.

“As die Grondwet toelaat dat grond sonder enige vergoeding onteien kan word verloor alle grond in die land onmiddellik alle waarde. Dit sal ‘n ernstige impak hê op die verskaffing van voedsel, buitelandse belegging en die ekonomie.”

Volgens Dr. Corné Mulder van die VF Plus en lid van die ad hoc-komitee wat met hierdie wysigings gemoeid is, is die ANC se nuwe voorstelle op die konsepwetgewing – wat verlede jaar gepubliseer is – redelik ingrypend. Dit behels dat grondonteiening met die oog op grondhervorming teen nulvergoeding kan plaasvind.

Verdere voorstelle handel oor die regering as kurator van sekere grond en ‘n nasionale wet om die voorwaardes te bepaal vir wanneer grondonteiening sonder vergoeding kan plaasvind.

“Ons is dankbaar dat die publiek tot dusver aan die proses deelgeneem het en so verhoed het dat die Grondwet maklik gewysig kon word,” sê Geldenhuys.

Hou Afrikaans op die lug

Klik hier


Current track

Title

Artist