Getroue Pretoria FM-luisteraar vier haar 100ste verjaarsdag

Deur on

18 Desember 2022

‘n Jarelange luisteraar en ondersteuner van Pretoria FM, tannie Tokkie Basson, word vandag 100 jaar oud.

Tannie Tokkie is op 18 Desember 1922 gebore. Haar man, Martiens Basson het in die Tweede Wêreldoorlog gaan diens doen.

Hy is tydens die oorlog krygsgevange geneem by Tobruk saam mens duisende ander Suid Afrikaanse soldate en is eers drie jaar later vrygelaat toe die oorlog verby is.

Tannie Tokkie het destyds die boerdery naby Standerton as jong ma van hulle oudste seun alleen bestuur.

Vroeg verlede jaar het Tannie Tokkie ook nuus gemaak toe sy as 98 jarige, Covid opgedoen het maar merkwaardig herstel het. Vandag vier tannie Tokkie jaar verjaarsdag met haar vier kinders Koetie (82), Lietie (75), Fanie (71) en Niklaas (66) by haar.

Sy woon in ‘n versorgingsoord in Montana, Pretoria. Tannie Tokkie skryf haar lang geseënde lewe toe aan die feit dat sy haar ouers en haar skoonouers versorg het tot met hulle dood.

Sy mik nou vir 200 jaar en sien uit na die dag wat sy haar nie meer oor haar kinders hoef te bekommer nie.


Current track

Title

Artist