3 Septemener 2024
Die DA sê dit is duidelik in die lewensgehalte van Vrystaatse-inwoners dat munisipaliteite in dié provinsie nié na behore bestuur kan word nie.
Dít kom nadat die ouditeur-generaal se verslag vir die 2022/2023-boekjaar getoon het dat géén Vrystaatse munisipaliteit ‘n skoon oudit ontvang het nie.
‘n DA-lid in die provinsiale wetgewer, Dave McKay sê wat meer kommerwekkend is, is dat die OG in haar verslag aangedui het dat daar minstens 10 munisipaliteite is wat nié genoeg kontant het om die basiese bedryfskostes vir ‘n maand te dek nie.
Hy sê dit is duidelik in die gebrek aan dienslewering. Volgens McKay het munisipalieite in die Vrystaat van die hoogste gesamentlike skuld aan diensteverskaffers. Die betrokke munisipaliteite skuld in totaal meer as R16-miljard aan Eskom en onderskeie waterrade.
Hy sê die munisipaliteite sukkel ook om inkomste in te vorder, wat dit moeilik maak om dienslewering te verseker. Die OG, Tsakani Maluleke het in haar verslag gesê dat daar 13 munisipaliteite is wat se finansiële situasie reeds vir die afgelope vyf jaar uiters kommerwekkend is.
Dit sluit die munisipaliteite in wat onder meer Ladybrand, Bothaville, Warden, Reitz, Vrede en Bultfontein bedien. Ook die Mangaung-metro in Bloemfontein wek kommer.
Lees verder
Pretoria FM