Drie verdagtes ontsnap uit aanhoudingselle in Kriel

Deur on

8 April 2021

Die polisie in Mpumalanga het ʼn grootskaalse soektog van stapel laat loop nadat drie verdagtes gister uit die aanhoudingselle op Kriel ontsnap het.

Die polisiewoordvoerder, kolonel Donald Mdhluli sê die 18-jarige Siyabonga Mlotshwa, 24-jarige Thabo Motaung en 35-jarige Njabulo Khoza is aanvanklik in hegtenis geneem vir verskeie oortredings, waaronder roof, verkragting, die besit van dwelms, huisbraak en diefstal, sowel as die oortreding van die Wet op Immigrasie.

Mdhluli sê polisielede wat aan diens was, het aangedui dat hulle vreemde geluide vanuit die aanhoudingselle – waar dié verdagtes toegesluit was – gehoor het en ondersoek ingestel.

ʼn Ondersoek is intussen begin om te bepaal hoe die verdagtes ontsnap het. Ontsnap uit aanhouding is intussen ook by dié drie se klagstaat gevoeg.


Lees verder

Current track

Title

Artist