Die ANC, Fikile Mbalula skuldig aan minagting van die hof

Deur on

3 April 2024

Die Johannesburgse hoogeregshof het vanoggend beslis dat die ANC en die party se sekretaris-generaal Fikile Mbalula skuldig is aan minagting van die hof.

Die DA het verlede maand die hof genader vir die beslissing, na die ANC nie al sy kaderontplooiingsdokumente aan die DA oorhandig het, soos ‘n vorige uitspraak beveel het nie.

Die ANC is nou opdrag gegee om al die dokumente aan die DA te oorhandig, binne die volgende 15 dae.

Die DA sê die uitspraak is net weereens ‘n bewys dat die ANC ‘n wettelose, kriminele sindikaat is wat probeer om staatskaping, korrupsie en die ineenstorting van basiese dienslewering te probeer toesmeer. 

Die party het ook ‘n beroep op President Cyril Ramaphosa gedoen om al sy persoonlike eposse, selfoonkommunikasie en notules aan hom te oorhandig, om sodoende gehoor te gee aan die hofbevel.

Ramaphosa was destyds die voorsitter van die ANC se kaderontplooiingskomitee.


Current track

Title

Artist