ANC stel ondersoek in na bewerings dat Ace Magashule “betogings reël”

Deur on

15 Junie 2021

Die ANC in die Vrystaat gaan ondersoek instel na bewerings dat die geskorste ANC sekretaris-generaal Ace Magashule diensleweringsbetogings in dié provinsie orkestreer.

Magashule het glo Sondag ‘n vergadering in Harrismith gehou, waar hy met besigheidslui gepraat het oor die feit dat hulle nie meer kontrakte van die provinsiale regering ontvang nie.

Hy het die besigheidslui glo aangemoedig om betogings te organiseer.

‘n Persoon na aan Magashule het die berigte ontken.

Indien dit waar is, sal Magashule sy skorsingsvoorwaardes, om geen politieke vergaderings te hou nie, oortree het.

Magashule is geskors nadat hy ingevolge die ANC se opsystaanreël geweier het om vrywillig van sy pos afstand te doen. Die ANC het dié reël ingestel vir lede, wat aanklagte van onder meer bedrog, korrupsie en ander ernstige misdade in die gesig staar.

Hoop, Glo, Leef in Afrikaans.
Jou ondersteuning versterk Afrikaanse media. Hou jou taal op die lug.
Klik hier.


Current track

Title

Artist