ActionSA begin met regstappe oor partybefondsing

3 September 2024

ActionSA het met regstappe teen die Onafhanklike Verkiesingskommissie (OVK) begin en het ook nuwe klagtes oor die MK-party en die EFF by die kommissie ingedien.

Die party het vanoggend ‘n mediakonferensie gehou waartydens sy nasionale voorsitter, Michael Beaumont aangekondig het dat hy nou met regsaksie teen die OVK begin omdat die kommissie aanvanklik beloof het om die Ezulweni skuldooreenkoms van R150-miljoen te ondersoek.

Volgens Beaumont het hulle met die proses begin weens kommer dat die OVK se partybefondsingswet oortree is.  

Wat die klagtes teen die EFF en die MK betref, sê ActionSA dat die befondsing wat beide partye verklaar het nie die kostes van hulle verkiesingsveldtogte sou dek nie.

Beaumont sê die EFF het sedert die begin van die 2022/2023-boekjaar R3,5-miljoen verklaar, maar ActionSA glo die EFF het sowat R100-miljoen bestee nét aan saamtrekgeleenthede by stadions voor die verkiesing.

Hy sê ActionSA sal deurlopend dophou oor hoe die OVK sy EFF en MK klagtes hanteer.

Following the announcement by the ANC in December 2023 that the Party had settled its R102 million debt with Ezulweni Investments, ActionSA requested the IEC to investigate this matter.

There is no way the settlement can be lawful in terms of the Party Funding Act. pic.twitter.com/feU7kH00r5

— ActionSA (@Action4SA) September 3, 2024