Gratis Slimfoon applikasie  
04:01:07 ---Day: 1
Karen Zeelie Deurnag: 00:00 – 05:00
LUISTER AANLYN:
DSTV Radio Kanaal:887  

Klankkoerant - Landbou

KLANKKOERANT LANDBOU – 10 APRIL 2018

  • Prof Eilon Adar – Israeliese waterkenner sê as ‘n land soos Israel dit kan regkry om afvalwater weer te suiwer, dan kan dit enige plek in die wêreld ook gedoen word. Hy verwys na SA se politiek by die departement van water en sanitasie asook die klimaat verandering. Hy sê die boodskap wat waterkenners by Israeli’s tuisgebring het is eenvoudig. Prof Adar sê water is nie onbeperk nie en daarom moet dit doeltreffend benut word. Die doel was om die watertekorte te oorbrug en seker te maak daar is voldoende en genoegsame watervoorsiening. Dr Kevin Gast waterkenner en siviele ingenieur by GAST sluit nou aan by ons in die ateljee…
  • Luidens ‘n verklaring op Landbou.com is die Afrikanerbees die bees om Suider- Afrika se beesbedryf teen die gevolge van aardverwarming in die vorm van stygende temperatuur en minder reën te beskerm. Dr Pieter de Kock,voorsitter van die Afrikaner-beestelersvereniging,  sê ons bees is die ras wat op grond van verskeie eienskappe, soos aanpasbaarheid en reproduksie, op die kruin van die golf ry. Hy sê geen beesteler kan dit langer beskostig om nie Afrikanerteelmateriaal in sy beeskudde te gebruik nie. Ons gesels met dr Pieter de Kock – voorsitter van die Afrikaner-beestelersvereniging 

Laai Af

KLANKKOERANT LANDBOU – 9 APRIL 2018

  • Die geskil tussen die minister van Landbou, Bosbou en Vissery en die belanghebbendes in die Graan en oliesadebedryf oor ‘n nuwe, eensydige goedkeuring op die heffing van sojabone, is nogsteeds nie bygelê nie.  Die hof het ‘n spertyd gegee vir 3 April 2018 en dit het verstryk sonder dat enige ooreenkoms bereik is. Graan SA sê die graanbedryf het besluit om hom weer tot die hof te wend. Jannie de Villiers, uitvoerende hoof van Graan SA sê uiteraard sal hulle ‘n skikking wil hê wat almal pas eerder as om voort tegaan met ‘n hofgeding. Ons gesels met Jannie de Villiers, uitvoerende hoof van Graan SA, 012 816 8033
  • Sowat twee duisend mense het gister in Perth (Australië) betoog teen plaasmoorde en geweld op plase in Suid-Afrika. Vroeër vanjaar het die minister van binnelandse sake van Australië aangekondig dat sy departement besig is met planne om dit makliker te maak vir Suid-Afrikaanse boere om visums te bekom om sodoende na die land te immigreer. Vroeër het dr Pieter Groenewald leier van die VF-Plus ook aan ‘n optog deel geneem in België teen plaasmoorde en geweld in Suid-Afrika. Ons gesels met dr Pieter Groenewald leier van die VF-Plus 
  • Henk Joubert gesels weekliks met LWO

Laai Af

KLANKKOERANT LANDBOU – 6 APRIL 2018

  • Dr John Purchase, hoof uitvoerende beampte van Agbiz, gesels oor die 2018 Agbiz Kongres wat gehou word te Port Elizabeth op 7 en 8 Junie.
  • Die Limpopo-dieregesondheidsforum het boere versoek om alle gevalle van snotsiekte by die forum aan te meld. Op die Limpopo-dieregesondheidsforum wat in Maart vanjaar plaasgevind het, is onder meer beklemtoon dat die Departement van Landbou, Bosbou en Visserye waarskynlik nie die erns van snotsiekte besef nie. Snotsiekte is nie ’n beheerde of aanmeldbare siekte nie en daar bestaan dus by die departement geen ware statistiek wat die erns van die registrasie vir die entstof ondersteun nie. Juis daarom word versoek dat dit aangemeld moet word. Ons gesels met Mr Willem van Jaarsveld Voorsitter van die Limpopo Animal Health Forum hieroor https://agriorbit.com/boere-moet-snotsiekte-aanmeld/
  • Katioon Uitruil Kapasiteit, of eenvoudig gestel, die grond se vermoë om positief gelaaide verbindings (katione) te bind, is ‘n baie belangrike punt wat in aggeneem moet word wanneer die kwaliteit van grond bepaal word. Dit is inligting wat baie belangrik is vir enige grondvoorbereidingsprogram. Basie Muller – kundige op die gebied van plantvoedsel vertel meer

Laai Af

KLANKKOERANT LANDBOU – 5 APRIL 2018

  • Gedurende tye van politieke onverdraagsaamheid, is dit belangrik dat boere nie net waak teen moontlike plaasaanvalle nie, maar dat hulle ook bedag moet wees op skade wat aan strukture aangerig kan word tydens onluste. Ek gesels met die Voorsitter van die Cullinan Boere Unie, Henri Combrink
  • Later in die program: Wat hou die weer vir ons in vir die volgende paar dae? Ons vind uit by ‘n meterioloog verbonde aan eNCA, Annette Venter
  • En ons sluit af met ‘n opsomming van die stand van die grootste opgaardamme in Suid-Afrika, soos verskaf deur die Departement van Water en Sanitasie. dwa.gov.za/Hydrology/Weekly/Province.aspx

 

Laai Af