Gratis Slimfoon applikasie  
04:05:12 ---Day: 1
Karen Zeelie Deurnag: 00:00 – 05:00
LUISTER AANLYN:
DSTV Radio Kanaal:887  

Landbou

KLANKKOERANT LANDBOU – 16 APRIL 2018

  • Die Die SA Kaasfees, wat vanjaar vanaf Vrydag 27 tot Sondag 29 April 2018 vir die 17de keer aangebied word, verleen elke jaar aan ‘n aantal klein kaasmakers die geleentheid om waardevolle blootstelling vir hul besighede en produkte te bekom. Die HUB van Agri Expo, Johan Ehlers werp meer lig hierop.
  • Later in die program: Wie is verantwoordelik vir die herstel van Vrystaatse paaie? Die haglike toestand van paaie word deur baie boere as gevaarlik bestempel. Ons gaan agter die kap van die byl probeer kom. Aan die woord die Bedryfsbestuurder van Vrystaat Landbou, dr Jack Armour. 
  • En ons sluit af met die weeklikse gesprek oor arbeidsake. Eric Schoeman van die LWO bespreek progressiewe dissipline. 0861 101 828 / www.lwo.co.za

Laai Af

KLANKKOERANT LANDBOU – 13 APRIL 2018

  • Die 22ste wenner van Vrystaat Landbou se Jongboer van die jaar is op 12 April tydens ‘n glansgeleentheid in Bloemfontein aangewys. Hy is die 37-jarige Nelius Ferreira van die plaas Grootdraai naby Harrismith. Ons gesels hieroor met die Vise-President van Vrystaat Landbou, Tommie EsterhuizenLater in die program: Rooivleispryse kan oor die mediumtermyn sywaarts beweeg. Volgens FNB se Vleisprysindeks, is speenkalfpryse sowat 16% hoër as die ooreestemmende tyd verlede jaar. Die Hoof van FNB Landbou-Inligting en -Bemarking, Dawie Maree verskaf nadere besonderhede.
  • En ons sluit af met die nuus dat trekkerverkope na wat berig word, die hoogte ingeskiet het. Hiervolgens is 41% meer eenhede verkoop as dieselfde tyd verlede jaar. Die Voorsitter van die Suid-Afrikaanse Landboumasjinerievereniging, of te wel SAAMA, Lucas Groenewald, gaan ons te woord staan.

Laai Af

KLANKKOERANT LANDBOU – 12 APRIL 2018

  • Ons maak vandag ‘n draai in die Wakkerstroom-Utrecht-omgewing waar ons gaan inloer by Voermol se Nasionale Beesboer van die Jaar, Bertus Burgers, om meer te wete te kom van sy boerdery. 082 550 0429
  • Later in die program: Is dit normaal om gedurende Aprilmaand so baie reën te kry oor so ‘n groot gedeelte van ons land? Ons gaan aanklop by ‘n Landbouweerkundige verbonde aan Santam Landbou, Johan van den Berg
  • En ons sluit af met ‘n opsomming van die stand van die grootste opgaardamme in Suid-Afrika, soos verskaf deur die Departement van Water en Sanitasie. dwa.gov.za/Hydrology/Weekly/Province.aspx

Laai af

KLANKKOERANT LANDBOU – 11 APRIL 2018

  • VKB het in 2016 ‘n impakstudie in die Virginië-distrik gedoen, waar 37 boere van 76 boere deelgeneem het aan die studie. Volgens die polisie en boere word  die Virginië gebied nie beskou as probleemgebied met ‘n hoë misdaadsyfer nie. Maar die studie van VKB skets ‘n heeltemale ander prentjie. Veediefstal in die gebied neem ook volgens die verslag toenemend toe: Skape word die meeste in die gebied gesteel, gevolg deur beeste. Willie Clack, woordvoerder van die departement van korrektiewe bestuur by UNISA gesels hieroor.
  • Vrystaat Landbou het ’n veiligheidstoepassing, genaamd Die Plaaswag, bekendgestel. Die toepassing werk met ’n paniekknoppie en sal landbouers en die publiek se veiligheid verbeter. Dit is deur ’n tegnologiemaatskappy Piri ontwikkel en kos slegs R24.99 per maand, waarvan Vrystaat Landbou ’n deel kry. Jane Buys, Veiligheidsrisiko-analis van Vrystaat Landbou  vertel meer
  • AfriSake en AfriForum bied op 11 April (dis nou vanaand) ‘n inligtingsessie aan in Centurion. Tydens die sessie sal AfriSake die wetlike aspekte van onteiening sonder vergoeding bespreek, terwyl AfriForum op die fisiese beskerming van eiendom sal fokus. Op die lyn is Piet le Roux, uitvoerende hoof van Afrisake 

Laai Af