Nuut opgedateerde - Gratis Slimfoon Applikasie  
19:35:53 ---Day: 1
Pienaar Lochner 18:00 – 22:00
LUISTER AANLYN:  
 
DSTV Radio Kanaal:887  

Klankkoerant Landbou

KLANKKOERANT LANDBOU – 17 JANUARIE 2019

  • Die uitwerking van die droogte en die styging in mieliepryse is van die faktore wat ‘n invloed het op die lewendehawemark. Bekende landbou-ekonoom, prof Johan Willemse verduidelik
  • Ons gee ‘n opsomming van die stand van die vernaamste opgaardamme in Suid-Afrika, soos verskaf deur die Departement van Water en Sanitasie. dwa.gov.za/Hydrology/Weekly/Province.aspx
  • En ons doen ‘n ontleding oor die prys van witmielies. ‘n Onafhanklike tegniese ontleder, Frans de Klerk van Vosburg in die Noord-Kaap verskaf meer besonderhede.

Laai af

KLANKKOERANT LANDBOU – 16 JANUARIE 2019

  • In vandag se program praat ons oor VKB se nuwe projek, Food For Mzansi, wat aan landbou se onbesonge helde erkenning gee. Die projek wil ‘n landbou-kopskuif by gewone Suid-Afrikaners teweeg bring. Dit word beskryf as een van die grootste pro-landbou bewegings in onlangse geskiedenis. Die doel is eenvoudig om in elke uithoek van die land mense se harte oor landbouers te verander. By ons in die ateljee is die stigters van die Farmers For Change-beweging, die mediapersoonlikheid Ivor Price, die Uitvoerende Hoof van Korporatiewe Bemarking en Kleinhandel by VKB, Deon van der Ross, en die Strategiedirekteur van die YehBaby- digitale agentskap. Kobus Louwrens.

Laai af

KLANKKOERANT LANDBOU – 15 JANUARIE 2019

  • Alhoewel die uitbreking van Bek- en Klouseer in Limpopo slegte nuus is vir die produsent, is daar tog ‘n bietjie goeie nuus vir die verbruiker. Die HUB van die RPO, Gerhard Schutte, verduidelik meer.
  • Later in die program: Die wolbedryf doen steeds goed na aanleiding van die eerste veiling in die nuwe jaar. Die Operasionele Bestuurder: Vesel by OVK, Heinrich Victor gee meer besonderhede.
  • En ons sluit af met landbounuus.

Laai af

KLANKKOERANT LANDBOU – 14 JANUARIE 2019

  • Daar heers jaarliks groot opgewondenheid oor die Nasionale Suiwelkampioenskappe, waarvoor inskrywings nou oop is. Belangstellendes sal moet opskud: Die sluitingsdatum is 7 Februarie. Die Korporatiewe Kommunikasiebestuurder van Agri-Expo, Isabeau Botha, verskaf nadere besonderhede.
  • Die ongelukkige gebeurtenis by Koffiefontein waartydens landbouers en ‘n polisielid dood is, word wyd betreur en plaas opnuut die kollig op die belangrikheid van goeie buurmanskap. Ons sluit aan by dr Jane Buys, Veiligheidsrisiko-analis van Vrystaat Landbou.
  • En in ons weeklikse gesprek oor arbeidsake, bespreek Aidan Ackermann die prosedure wat gevolg moet word tydens personeelvermindering. 0861 101 828 www.lwo.co.za

Laai af