Nuut opgedateerde - Gratis Slimfoon Applikasie  
16:35:59 ---Day: 1
MD Greyling 14:00 – 17:00
LUISTER AANLYN:  
 
DSTV Radio Kanaal:887  

Landbou

KLANKKOERANT LANDBOU – 25 SEPTEMBER 2018

  • Roosterkoek, boetiekbier, skaapstertjies, wyn, Wagyu-burgers en roomys . . . al hierdie lekkertes en méér wag van Donderdag 11 tot Saterdag 13 Oktober by die Groot Plaasproe op Sandringham buite Stellenbosch. Dié plaasfees was verlede jaar só gewild dat dit vanjaar ‘n volle drie dae duur. Die Korporatiewe Kommunikasiebestuurder van Agri Expo, Isabeau Botha sluit by ons aan.
  • Later in die program berig ons oor die droëvrugtebedryf en oor interessante navorsing wat vroeër vanjaar tydens die Wêreldpruimedantekonferensie in Frankryk bekend gemaak is. Die Hoof van Droë Vrugte by Hortgro in die Paarl, Dappie Smit, gaan meer besonderhede verskaf.
  • En in ons weeklikse gesprek oor arbeidsake werp Hein Harmse van die LWO, meer lig op onbillike arbeidspraktyke. 0861 101 828 lwo.co.za

Laai Af

KLANKKOERANT LANDBOU – 21 SEPTEMBER 2018

  • In vandag se program berig ons in ons eerste bydrae oor die wolbedryf, oor die moontlike monopolie op die verkoop van wol uit Lesotho, en ook oor die belangrikheid om te ent teen slenkdalkoors. Ek praat hieroor met die Hoofbestuurder van die Nasionale Wolkwekersvereniging, Leon de Beer.
  • Later in die program sluit Dr Michael Bradfield van Breedplan by ons aan om inligting te verskaf oor die Aldam Veeskool wat vanaf 17 tot 19 Oktober tussen Bloemfontein en Kroonstad aangebied word. Die tema vanjaar is vrugbaarheid as die grondslag vir winsgewendheid.
  • En ons sluit af met landbounuus.

Laai af

KLANKKOERANT LANDBOU – 20 SEPTEMBER 2018

  • Die Suid-Afrikaanse Polisiediens het op 11 September 2018 die nasionale misdaadsyfers vrygestel. Die veediefstalstatistieke is deur die Nasionale Veediefstalvoorkomingsforum ontleed. Dit is belangrik om daarop te let dat hoewel veediefstalgevalle met 7,8% toegeneem het, die omvang van veediefstal in Suid-Afrika verstaan moet word. Ons praat met die Voorsitter van die Nasionale Veediefstalvoorkomingsforum, Willie Clack
  • Later in die program: Koue, nat weer het die afgelope paar dae in die Kaapprovinsies voorgekom, terwyl die binneland en veral die Noordelike gebiede blootgestel was aan hittegolftoestande. Wat hou die weer vir ons in oor die lang naweek? Ons vind uit by ‘n meterioloog verbonde aan eNCA, Annette Venter
  • En ons gee ‘n opsomming van die stand van die vernaamste opgaardamme in Suid-Afrika, soos verskaf deur die Departement van Water en Sanitasie. dwa.gov.za/Hydrology/Weekly/Province.aspx

Laai Af

KLANKKOERANT LANDBOU – 19 SEPTEMBER 2018

Vandag is ‘n regstreekse uitsending vanaf TLU SA se kongres by die WNNR. Sprekers wat in die program optree is: Die President van TLU SA, Louis Meintjies; Advokaat Roelof du Plessis van Brooklyn Chambers; Die Hoof van FNB Landbou Inligting en Bemarking, Dawie Maree asook die Adjunk-President van TLU SA, Henry Geldenhuys.

 

Laai Af