Nuut opgedateerde - Gratis Slimfoon Applikasie  
20:10:54 ---Day: 1
Jaco Versfeld Aand: 17:00 – 22:00
LUISTER AANLYN:  
 
DSTV Radio Kanaal:887  

Landbou

KLANKKOERANT LANDBOU – 16 NOVEMBER 2018

  • Die Landbounavorsingsraad (LNR) werk hard daaraan om ‘n virus wat in piesangplantasies in Kwazulu-Natal geidentifiseer is, se verspreiding te beperk. Ons praat met ‘n navorser verbonde aan die LNR, dr Elize Jooste.
  • Volgens voorspellings wil dit voorkom of die kans vir reën oor die somerreëngebiede verbeter in die laaste week van November en in Desember. Ons vind uit by ‘n landbouweerkundige verbonde aan Santam Landbou,Johan van den Berg 
  • En Agri SA is bemoedig oor die nasionale kommissaris van polisie, Generaal Khehla Sitole se verbintenis om boere en boerderygemeenskappe te help beveilig. Generaal Sitole het die vergadering van Agri SA se Landelike Beveiligingskomitee bygewoon. Ons kry meer besonderhede by die Voorsitter van Landelike Veiligheid by Agri SA, Tommie Esterhuyse 

Laai af

KLANKKOERANT LANDBOU – 15 NOVEMBER 2018

  • ‘n Studie het bevind dat onteiening sonder vergoeding ‘n verwoestende uitwerking op die Suid-Afrikaanse ekonomie sal hê. ‘n Ekonomiese raadgewer verbonde aan die Optimum Beleggersgroep, dr Roelof Botha verduidelik
  • Agri SA doen ‘n beroep op alle rolspelers om Suid-Afrika eerste te stel. Aan die woord is dié organisasie se Beleidshoof oor Grond, Annelize Crosby
  • Die Hoofbestuurder van TLU SA, Bennie van Zyl, betreur die nuus dat die Grondwetlike Hersieningskomitee gestem het ten gunste van die wysiging van Artikel 25 van die Grondwet om voorsiening te maak vir onteiening sonder vergoeding
  • En ons bekyk sojaboonpryse. ‘n Onafhanklike tegniese ontleder, Frans de Klerk van Vosburg in die Noord-Kaap verskaf meer besonderhede.

Laai af

KLANKKOERANT LANDBOU – 14 NOVEMBER 2018

  • Op 21 November bied PMA ‘n geleentheid aan in die Paarl waar produsente en kopers van varsprodukte ontmoet. Daar behoort inligting bekend gemaak te word oor wat oor die Kerstyd verwag kan word rakende vrugte en groente. Ons praat hieroor met die Hoof van PMA in Afriika, Lindie Stroebel 
  • Later in die program: Groot dele van die land is die afgelope paar dae blootgestel aan hittegolftoestande. Wat hou die weer vir ons in vir die res van die week? Ons vind uit by ‘n meterioloog verbonde aan eNCA, Annette Venter 
  • En ons praat met Agri SA en Toyota Suid-Afrika se Jongboer van die Jaar, JP van den Berg van Tosca in Noordwes. Hy is ‘n aartappel-, bees- en wildboer, en hy het ook sy eie hoender-abbatoir op die dorp.

Laai Af

KLANKKOERANT LANDBOU – 13 NOVEMBER 2018

  • Geen noemenswaardige reën het nog hierdie somer geval in die groter Waterberg- en Soutpansbergdistrikte nie. Daar is geen weiding vir vee of wild nie en diere vrek daagliks van honger. Limpopo Noord-Wes, en dele van die Suid- en Oos-Kaap is reeds vir jare in die greep  van droogte vasgevang. Die boere is finansieel geknak en banke wil hulle nie meer help nie. Dit is ‘n kwessie van oorlewing vir boere en n poging om die boere op hul plase te hou. Ons praat met Tommie Klopper van Boere in Nood. 062 300 2308 Ook op Facebook.
  • Later in die program: Melk speel ‘n belangrike rol in kinders se ontwikkeling. Die plaas Skimmelkrans tussen die George-lughawe en Heroldsbaai, lewer al vir meer as 60 jaar kwaliteit melk aan Nestlé, wat onder meer in hulle bekende Nespray-produk gebruik word. Ons sluit aan by die HUB, George Kuyler.
  • En ons sluit af met landbounuus. Onder andere word daar berig oor die hittegolf wat tans oor groot dele van die land ervaar word.

Laai af