19:00:27 ---Day: 1
Pienaar Lochner 19:00 – 22:00
LUISTER AANLYN:

Die mens agter die mens

Die Mens Agter Die Mens – Peet Visagie

N.a.v. die vroeëre “25e Gedenkalbum van die Boeremusiekgilde” wat Peet Visagie saamgestel het, het die Nasionale Voorsitter van die Gilde, Willie Mynhardt, hom gevra om ‘n verdere boek oor “Boeremusiekstories” saam te stel. Martin Jansen gesels met Peet oor hierdie breinkind van Willie waar hulle die afgelope maande in die program “In die ou waenhuis” luisteraars vir bydraes gevra het wat Peet opgeteken het. Die boek “Eggo’s deur die musiekgange” wat hoofsaaklik stories oor veral musikante bevat, word binnekort gepubliseer en Peet het laat deurskemer dat ‘n opvolg ook beplan word.

Die Mens Agter Die Mens – Albert Maritz

Martin Jansen gesels met Albert Maritz, die bekende Kaapse akteur, regisseur, skrywer, ook bekend vir sy TV-werk. Albert is veral bekend vir sy rolle as Herman Roodt in Konings, Torings en Orion.

Die Mens Agter Die Mens – Ds. Neels van Tonder

Martin Jansen se gas is Ds. Neels van Tonder van Buffelspoort, in die Marikana-omgewing. Ds. Neels vertel sy belangstelling in veral Bybelse argeologie het, danksy sy Ma, as kind ontstaan. Hy lewer praatjies daaroor en het reeds publikasies daaroor laat verskyn.  Ds. Neels, ‘n kranige  Bybelse argeoloog, gesels baie lekker oor verskeie interessante dinge. Hy sê hy het sy stokperdjie met sy teologiese bedieding gekombineer.  Ds. Neels gesels ook oor sy bediening, die vreugde en hartseer, en vertel in diepte van die gevolge (én lyde) van die Marakana-slagting twee jaar gelede.

Die Mens Agter Die Mens – Sam Keyter

Martin Jansen gesels met Sam Keyter – ou bekende by die destydse Radio Pretoria veral oor sy 19 jaar se betrokkenheid by musiekprogramme wat wissel van klassiek tot Boeremusiek.. Sam was 32 jaar werksaam by SAL, o.m. as Hoof van die Verversingsafdeling, en vertel van al sy wedervaringe e.a. interessanthede in die jare toe hy nog gevlieg het.