01:31:05 ---Day: 1
Karen Zeelie Deurnag: 00:00 – 05:30
LUISTER AANLYN:
DSTV Radio Kanaal:887  

Bybelse Argeologie

BYBELSE ARGEOLOGIE – 17 SEPTEMBER 2017

DIE KATAKOMBE VAN AGATHA: Agatha is ’n kindermartelaar wat as Christen op die ouderdom van 12 jaar vermoor is. Sy het geweier om met die prefek van Rome te trou. Daarvoor is sy in die tronk gegooi en haar borste afgesit. Sy het later aan haar beserings wat sy tydens haar martelsessies opgedoen het, gesterf.

Laai af

BYBELSE ARGEOLOGIE – 10 SEPTEMBER 2017

DIE KATAKOMBE VAN VALENTYN

Valentynsdag word wêreldwyd op 14 Februarie herdenk. Dié gebruik spruit uit die optrede van ’n Romeinse priester wat jong paartjies in die geheim getrou het gedurende die tyd toe keiser Claudius II in ’n dekreet die aangaan van huwelike tussen jongmense verbied het. Sy argument was dat getroude soldate nie goeie vegters uitmaak nie. Valentyn is in 268 n.C. met knuppels geslaan, daarna gestenig en toe onthoof. Die illustrasie hierby beeld Valentyn, Christus en Zeno uit. Luister gerus daarna op die senders van Pretoria FM, of DStv 887.

Laai Af

BYBELSE ARGEOLOGIE – 3 SEPTEMBER 2017

DIE MARTELDOOD VAN SEBASTIAAN

Sebastiaan was ’n Romeinse soldaat. Toe sy Christenskap aan die lig kom, is hy aan ’n boom vasgemaak sodat boogskutters op hom kon teiken skiet. Hy is vir dood agtergelaat. Irene van Rome het hom daar gekry en na haar huis geneem om sy wonde te versorg. Twee jaar later het hy keiser Diokletianus op ’n trap raakgeloop en hom vertel van sy groot sonde teen die Christene. Dié het hom vervies en opdrag gegee dat Sebastiaan met knuppels doodgeslaan moes word. Luister gerus daarna op die senders van Pretoria FM, of DStv 887.

Laai Af

BYBELSE ARGEOLOGIE – 27 AUGUSTUS 2017

DIE KRUISIGING VAN JESUS OP ’N SARKOFAAG ONTDEK: Die vroeë Christene het nooit ’n kruis of kruisigingstoneel met Jesus aan die kruis uitgebeeld nie, omdat die kruis ’n slegte stigma gehad het. ’n Interessante ontdekking wat gemaak is, is die sogenaamde Passiesarkofaag waarop vyf tonele van Jesus se kruisiging uitgebeeld word. In die toneel waar Jesus met dorings gekroon word, bestaan die kroon nie uit dorings nie, maar uit sierstene. Die bedoeling is dat Hy in die plek van die keiser gekroon word en sodoende die oorwinnaar oor die Romeinse Ryk en die vervolging van die Christene is.

Laai af